ఒక్కడై రావడం ఒక్కడై పోవడం

This is one of my favorite songs with meaning of life from movie "Aa Naluguru ఆ నలుగురు "


నేనేదో ఈ పాటలో ఉన్నదంతా follow అవుతున్నానని కాదు. ideal గా ఉండలేకపోయినా చెడుగా మారకుండా ఉంటే చాలు.



రచయిత : చైతన్య ప్రసాద్

ఒక్కడై రావడం ఒక్కడై పోవడం
నడుమ ఈ నాటకం విధి లీల
వెంట ఏ బంధమూ రక్తసంబంధము
తోడుగా రాదుగా తుదివేళ
మరణమనేది ఖాయమని
మిగులును కీర్తి ఖాయమని
నీ బరువూ నీ పరువూ మోసేదీ

ఆ నలుగురు        x4

రాజని పేదని మంచని చెడ్డని
భేదమే ఎరుగదీ యమపాశం
ఒక్క ఐశ్వర్యము కఠిక దారిద్ర్యము
హద్దులే చెరిపెలే మరుభూమి
మూటలలోని మూలధనం
చెయ్యదు నేడు సహగమనం
మనవెంటా కడకంటా నడిచేదీ

ఆ నలుగురు        x4

నలుగురూ మెచ్చినా నలుగురూ తిట్టినా
విలువలే శిలువగా మోసావు
అందరూ సుఖపడే సంఘమే కోరుతూ
మందిలో మార్గమే వేసావు
నలుగురు నేడు పదుగురిగా
పదుగురు వేలు వందలుగా
నీ వెనకే అనుచరులై నడిచారూ

ఆ నలుగురు        x4

పోయిరా నేస్తమా పోయిరా ప్రియతమా
నీవు మా గుండెలో నిలిచావు
ఆత్మయే నిత్యమూ జీవితం సత్యమూ
చేతలే నిలుచురా చిరకాలం
బతికిననాడు బాసటగా
పోయిననాడు ఊరటగా
అభిమానం అనురాగం చాటేదీ

ఆ నలుగురు        x4